Октябрь
Урамра кĕрхи кун илемĕ,
Йĕри-тавра ылтӑн вернисаж.
Пултаруллă ÿнерçĕ — юпа уйăхĕ,
Ăсталать çулçăран декупаж..
Ӳкерсе çÿрет кĕрхи юлташ,
Куҫӗпе шырать фотографа.
Кӑмӑлĕ унăн паян пит йӑваш –
Куратпăр тивĕçлĕ автографа.
Шелсĕр сапалать юпа уйăхĕ
Хӗвел пекех ҫутă ылтӑнне.
Чун-чĕрене илĕртет хитрелĕхĕ,
Тинкерсе пăхатпăр ун ҫине.
Урамра кĕрхи кун асамлăхĕ
Тултарать хӑватпа чӗрене.
Кăштах вĕçкĕнчĕк юпа уйăхĕ
Сисет-çке эп ăна савнине.